तालुक्यातील गुगळी धामणगाव येथे पाटीवरील एका हॉटेलसमोर उभी करण्यात आलेली दुचाकी अज्ञात इसमाने चोरून नेल्याची घटना घडली आहे. या प्रकरणी एका आरोपीवर गुन्हा दाखल करण्यात आला आहे.
शनिवार, १८ ऑक्टोबर रोजी सायंकाळी सुमारे सहा वाजता ही घटना घडली. फिर्यादी अर्जुन विश्वनाथ अंभोरे (वय २१, रा. तिडी पिंपळगाव, ता. सेलू) यांनी दिलेल्या माहितीनुसार, एमएच २२ एझेड २३३४ क्रमांकाची दुचाकी (किंमत सुमारे ₹६०,०००) एका हॉटेलपुढे उभी करण्यात आली होती. याच दरम्यान एका इसमाने ती पळवून नेली.
या प्रकरणी गुन्हा क्रमांक ५१८/२०२५ महाराष्ट्र न्याय संहिता कलम ३७९ अन्वये आरोपी महारुद्र कसाब (रा. गोळेगाव, ता. परतूर) याच्यावर गुन्हा दाखल करण्यात आला आहे. पुढील तपास पोलीस निरीक्षक दीपक बोरसे यांच्या मार्गदर्शनाखाली पोलीस हवालदार मधुकर जाधव करत आहेत.