डॉ. संजय रोडगे यांचा नागरी सत्कार आणि गुणवंत विद्यार्थ्यांचा गौरव सोहळा थाटात संपन्न

डॉ. रोडगे यांच्या कार्याची दखल जागतिक पातळीवर घेणे हे सेलुसाठी अभिमानास्पद – आ. बोर्डीकर

सेलू (प्रतिनिधी): सेलू येथे डॉ. संजय रोडगे नागरी सत्कार समिती, सेलू यांच्या वतीने आयोजित भव्य नागरी सत्कार सोहळा आणि गुणवंत विद्यार्थ्यांचा गौरव समारंभ (ता.13) एप्रिल रोजी, साई नाट्यमंदिर येथे मोठ्या उत्साहात पार पडला.
कार्यक्रमाची सुरवात दिपप्रज्वलन व प्रतीमापुजानाने झाली. या सोहळ्याचे अध्यक्षस्थानी सेलू-जिंतूर विधानसभा मा. आ. श्री रामप्रसादजी बोर्डीकर, विशेष उपस्थिती म्हणून परभणी जिल्ह्याचे अप्पर जिल्हाधिकारी डॉ. प्रताप काळे, वाशीम माजी आ. विजय जाधव, सत्कारमूर्ती तथा श्रीराम प्रतिष्ठानचे संस्थापक अध्यक्ष मा. डॉ. संजयजी रोडगे, डॉ. सविता रोडगे, स्वागताध्यक्ष श्री गोविंदभाऊ जोशी, प्रा. डॉ. विनायक कोठेकर, मा. श्री. महेश पाटील, डॉ. राम रोडगे, डॉ. अपर्वा रोडगे, कृउबासमितीचे संचालक श्री.अनिल पवार, श्री. माऊली ताठे, श्री. प्रफुल्ल बिनायाके, श्री. अशोक पटवारी, मा. रहीम पठाण, श्री. सुरेंद्र तोष्णीवाल, श्री. नंदुशेठ बहिवाल, आदी मान्यवर उपस्थित होते. कार्यक्रमाचे प्रास्ताविक डॉ. ऋतुराज साडेगावकर यांनी केले.
डॉ. संजय रोडगे यांनी शैक्षणिक संस्थेच्या स्थापनेपासून केलेल्या कार्याची दाखल घेत दैनिक लोकमतच्या वतीने हॉगकॉग येथे “ग्लोबल एक्सलन्स इन एज्युकेशन” या आंतरराष्ट्रीय पुरस्कार प्राप्तीबद्दल आज मानपत्र, स्मृतिचिन्ह शाल, श्रीफळ देऊन प्रमुख मान्यवरांच्या हस्ते नागरी सत्कार करण्यात आला.
तसेच या कार्यक्रमात ISRO युविका अहमदाबाद येथे निवड झालेली तनिष्का तेलभरे, NASA अभ्यासक्रमासाठी निवड झालेली तेजश्री चौधरी, आंतरराष्ट्रीय ऑलिम्पियाडमध्ये प्रथम आलेला प्रज्वल रोडगे, होमी भाभा परीक्षेत कांस्यपदक प्राप्त गौरी अबुज आदी विविध राष्ट्रीय व आंतरराष्ट्रीय परीक्षांमध्ये यशस्वी ठरलेल्या परभणी जिल्ह्यातील विद्यार्थ्यांचा त्यांच्या पालकांसह सन्मान करण्यात आला. याशिवाय राष्ट्रीय विज्ञान प्रदर्शन, मंथन परीक्षा, शिष्यवृत्ती परीक्षा, बीडीएस परीक्षा अशा विविध स्पर्धांतील यशस्वी विद्यार्थ्यांनाही गौरवण्यात आले.
“डॉ. संजय रोडगे यांचे कार्य शिक्षण, समाजसेवा आणि युवक विकास या क्षेत्रांमध्ये अत्यंत उल्लेखनीय आहे. त्यांच्या कार्याची दखल जागतिक पातळीवर घेतली जात आहे, हे आमच्यासाठी अभिमानास्पद आहे आपण शिक्षणाबरोबरच सामाजिक, आरोग्य, क्रीडा आणि सांस्कृतिक क्षेत्रातही सक्रिय आहात. आज आपण अंतरराष्ट्रीय दर्जाचे विज्ञान भवन, जलतरण तलाव, भव्य प्रेक्षागृह व क्रीडांगण सेलू शहरात उभारण्याच्या दिशेने पुढे जात आहात हे सेलूच्या वाट्याला आलेले सौभाग्य आहे. असे माजी आमदार बोर्डीकर म्हणाले.

ग्रामीण भागात शिक्षणाचा दीप डॉ. रोडगे यांनी पेटवला आहे. त्यांच्या कार्यात शैक्षणिक गुणवत्ता आणि आंतरराष्ट्रीय दृष्टिकोन दिसून येतो “गावाकडील मुलांमध्येही प्रचंड क्षमता असते, गरज असते ती योग्य संधी आणि प्रेरणेची. डॉ. रोडगे यांचे कार्य ही संधी निर्माण करणारी चळवळ आहे.” “सत्कार हा कार्याची कबुली असतो. डॉ. रोडगे यांनी शिक्षण क्षेत्रात केलेल्या कार्याची फळं आज दिसत आहेत. गुणवंत विद्यार्थ्यांना घडवणारी माणसं ही समाजासाठी अमूल्य असतात. असे बोलताना माजी आमदार विजय जाधव म्हणाले
आपण देशोदेशीचे अभ्यास दौरे करून इंग्लंड, फिनलँड, सिंगापूर आदी देशांतील शिक्षणपद्धती आत्मसात करून आपल्या संस्थांमध्ये प्रभावीपणे राबवल्या. त्याचा परिणाम म्हणजे आपल्या शाळेतील विद्यार्थी ISRO युविका साठी निवडले जातात, NASA कार्यक्रमात सहभागी होतात, आणि आंतरराष्ट्रीय स्पर्धांमध्ये चमकतात. आपल्या शैक्षणिक कार्याची दखल घेत फिनलँड येथे आयोजित आंतरराष्ट्रीय शैक्षणिक परिषदेत २२ देशातील प्रतिनिधींसमोर आपण भारताचे प्रतिनिधित्व केले, ही आमच्यासाठी अत्यंत गौरवाची बाब आहे. “डॉ. रोडगे यांच्या कार्यपद्धतीत वैज्ञानिक दृष्टिकोन, आधुनिकता आणि सेवाभाव आहे. त्यांच्या कामाचे अनुकरण इतरांनी करणे गरजेचे आहे असे प्रतिपादन डॉ. प्रताप काळे यांनी केले.
यासह श्री गोविंदभाऊ जोशी, प्रा. डॉ. विनायक कोठेकर, मा. महेश पाटील आदींनी मनोगत व्यक्त केली. तसेच डॉ. रोडगे यांना दिलेल्या मानपत्राचे शब्दांकन डॉ. शरद ठाकर यांचे होते तर मानपत्र वाचन माधव गव्हाणे यांनी केले.
या भव्य नागरी सत्कार कार्यक्रमात डॉक्टर्स असोसिएशन, मेडिकल असोसिएशन, व्यापारी असोसिएशन, सुवर्णकार असोसिएशन, रामा इंटरनॅशनल स्कूल (वाशिम), वकील संघ, पत्रकार संघ, पालक संघ, डॉ. संजयदादा मित्र मंडळ, रवळगाव फार्म प्रोडूसर कंपनी, तसेच ई-संघटना यांच्यातर्फे सुद्धा डॉ. संजय रोडगे यांचा विशेष सत्कार करण्यात आला.
कार्यक्रमाचे सूत्रसंचालन सुभाष मोहकरे व डॉ. वर्षा गिरी यानी केले.
आभार प्रदर्शन श्री रामराव बोबडे यांनी केले,
कार्यक्रम यशस्वितेसाठी डॉ. संजय रोडगे नागरी सत्कार समितीचे अध्यक्ष डॉ. ऋतुराज साडेगावकर, श्री. रामराव बोबडे, श्री. रामराव गायकवाड श्री. डॉ. शरद ठाकर, कृष्णा काटे, श्री. रामेश्वर शेरे, श्री. अमोल निकम, श्री. रमेश गोरे, श्री. भागवत दळवे, श्री. जयसिंग शेळके, श्री. अभिजीत राजुरकर, श्री. मनोज दीक्षित, अन्वर खान पठाण, श्री. निशिकांत पाटील, श्री. दत्तराव तांबे यांनी परिश्रम घेतले.